Белорет районы Ғәбдөк ауылында йәшәүсе Ғәлләмова Хәлисә Нәжип ҡыҙын матур байрамы – 70 йәшлек юбилейы менән ҡотлайбыҙ. Әсәйебеҙ Көйөргәҙе районы Ялсыҡай ауылында тыуып үҫкән. Лихославль ҡалаһында уҡығанда атайыбыҙҙы осратып, Ғәбдөк ауылына килен булып төшкән. Ике ул һәм бер ҡыҙ тәрбәләп үҫтерәләр. Ҡәҙерле әсәйебеҙгә ҡоростай ныҡлы hаулыҡ, ҡурай моңондай оҙон ғүмер, бәхетле, бәрәкәтле, мул тормош теләйбеҙ. Ауырымай – һыҙланмай, атайым менән бергәләп, ҡайғы-хәсрәт күрмәй, тыуған йортобоҙҙоң йәмен һәм ҡотон һаҡлап, ҡартайған көнөгөҙҙә балаларығыҙҙың, ейәнсәр-ейәндәреңдең, бүлә-бүләсәрҙәреңдең изгелектәрен күреп оҙаҡ йылдар йәшәргә насип булһын! Беҙ бәхетлебеҙ, беҙ рәхмәтлебеҙ, ошо бәхеттән Хоҙай айырмаһын. Иң изге теләктәр менән: тормош иптәшең Дамир, улдарың Данир, Эльмар, килендәрең Флиҙә, Рәмзилә, ҡыҙың Лира, ейәнсәрең Эльвина, кейәүҙәрең Рифат, Рәнис, ейәндәрең Илдар, Айҙар, Эльвир, Заһир, Әлмир, Руслан, Линар һәм бүләсәрең Аделина

Сәстәреңә, әсәй, сал керһә лә,
Һин бит беҙҙең йөрәк түрендә.
Оҙаҡ йәшә, әсәй, ауырымайса,
Һин был донъяла берәү генә.

Рәхмәтенән Хоҙай ташламаһын,
Ҡунағы бул яҡты донъяның.
Оҙаҡ йәшә утын һүндермәйсә,
Балаларың үҫкән ояның.

Хоҙай һиңә сәләмәтлек бирһен,
Һин булғанда ҡояш нур сәсә.
Кәңәшсебеҙ, ҡәҙерлебеҙ булып,
Йәшә һин, әсәй, йөҙгәсә!!!