Ҡәҙерле әсәйебеҙ, Лида Дингиз ҡыҙы Шәихованы, күркәм юбилейы менән ысын күңелдән ҡайнар ҡотлайбыҙ! Алдағы көндәреңдә ныҡлы сәләмәтлек, күңел тыныслығы, шатлыҡ-ҡыуаныстар, оҙон ғүмер теләйбеҙ. Балаларыңдың һәм ейәндәреңдең бәхетенә һөйөнөп, туғандарыңа таянып, ҡәҙер-хөрмәттә оҙон-оҙаҡ йәшәргә яҙһын. Атайыбыҙ Рамазан Миниәхмәт улы менән 55 йыл ҡулға ҡул тотоношоп, тормош юлынан атлайһығыҙ. Беҙҙе ҡәҙерләп үҫтереп, үҙ юлыбыҙҙы табырға булышҡанығыҙ, яратып ҡайғыртҡанығыҙ өсөн ҙур рәхмәт һеҙгә! Иң изге теләктәр менән ҡыҙың Лариса, улың Рөстәм, киленең Йәзилә, ейән-ейәнсәрҙәрең Артём, Ирина, Тимур, Маша, Аделина, Имам, Арслан, бүлә-бүләсәрҙәрең Денис, София, Макар.

Һәр бер иртә һине ҡыуандырып,
Шатлыҡ менән яңы таң атһын.
Күҙҙәреңде һағыш йәше түгел,
Шатлыҡ йәше генә сылатһын.

Ҡыуаныстар ғына алып килһен
75 йәшең — оло байрамың.
Һиңә бөгөн бүләк итәбеҙ беҙ
Барлыҡ яҡшылыҡтар бәйләмен.

Һинең өсөн гөлдәр сәскә атһын,
Тыныс булһын кисең, төндәрең.
Һайрар ҡоштарһинең өсөн генә
Бағышлаһын инде көйҙәрен.

Күңелеңә һыйған яҡшылыҡтар
изгелектәр булып ҡайтһындар.
Тыуыр таңдар алып килһен һиңә
Сәләмәтлек, бәхет, шатлыҡтар.