Белорет районы Һуйыр-Айыс ауылында 1947 йылдың 15 июлендә тыуып үҫкән, Белорет
ҡалаһында йәшәгән ағайыбыҙ, атайыбыҙ, олатайыбыҙ Яныбаев Сәмиғулла Сәйфитдин
улының беҙҙе ауыр ҡайғыларға һалып, йәшләй генә гүр эйәһе булыуына 19 йыл үтеп
тә китте.

Ҙур, татыу ғаиләлә беренсе бала булып донъяға килгән ағайым, бәләкәйҙән эшләп
үҫә. Буй еткәс Белорет металлургия комбинатында эш башлай һәм 36 йыл ғүмерен,
16-сы цехта сым һуҙыусы һөнәренә бағышлай. Яҡшы хеҙмәте өсөн бик күп маҡтау
ҡағыҙҙары менән бүләкләнә. Ағайым Миңлегөл еңгәм менән 31 йыл ғүмер итеп, 2 ҡыҙ
үҫтерҙеләр. Ул тормошто яратты. Туғандарына оло ағай булды, һәр яҡлап ярҙам
итте. Иптәштәре, ауылдаштары ихтирам иттеләр. Уның изгелектәрен мәңге оноторлоҡ
түгел. Мең рәхмәт ағайыбыҙға.

15 июль 2022 йыл уға 75 йәш тулған булыр ине. Туғандары, ауылдаштары Сәмиғулла
сәйфитдин улын ихтирам менән, тик яҡшы хәтирәләр менән иҫкә алһындар.

Һеңлеһе Ғәбиҙә, уның ғаиләһе. Ҡыҙҙары Зөлфиә, Лиана һәм уларҙың ғаиләләре.