Ҡәҙерле ағайыбыҙ Хәйҙәр Бәхтегәрәй улы Аҫылғужинды матур юбилейы айҡанлы ысын күңелдән ҡотлайбыҙ.
Ҡәҙерле ағайыбыҙ! Юбилей ул – матур миҙгел, ерҙә йәшәүең, ошо матур, гүзәл тормошто, һәр һыҙылып атҡан таңды, бөтә донъяны нурға күмеп ҡояш ҡалҡыуын күреү,
күҙҙәрең, тәнең-йәнең сәләмәт булып, күкрәгең менән тултырып һулыш алыу, яҡындарың менән балаларыңдың, ейәндәреңдең , туғандарыңдың ихтирамын, иғтибарын тойоп йәшәү – үҙе бәхет.
Ағайыбыҙ! Һин беҙҙең өсөн иң алдан, яҡты нур һибеп тороусы маяҡ кеүекһең! Тырыш, уңған булдың, атай-инәйебеҙҙең ышанысын аҡланың. Тормош ауырлығына ҡарамай алға ынтылдың, юғалып ҡалманың. Юғары белем алып, хаҡлы ялға сыҡҡансы Белорет металлургия комбинатында юғары вазифаларҙа эшләнең. Ғаиләңә, балаларыңа ныҡлы терәк, таяныс булдың. Әле лә улыңа, ейәндәреңә ныҡлы терәк, яратҡан олатай, энеләреңә, һеңлеләреңә яратҡан ағай һин!
Беҙ һине матур тормош байрамың менән ҡотлайбыҙ. Һиңә ныҡлы һаулыҡ, тән сәләмәтлеге, һынмаҫ рух ныҡлығы, балаларыңдың, ейәндәреңдең изгелектәрен күреп, ярҙамдарын тойоп, еңгә менән тигеҙ, парлы, бәрәкәтле ғүмер итеүегеҙҙе теләйбеҙ.
Һине яратҡан ҡустыларың: Хәлил, Ғәрифулла, һеңлеләрең: Сәимә, Фәимә, Әнисә.